By Rex Mphisa
Vhalimi vha tshitirikini tsha Beitbridge vho vha na ndozwo khulwane nga murahu ha u vha na phefho i sa athu vhuya ya vha hone zwa minwaha.
Phepho ye ya fara tshiṱiriki tsha Beitbridge , vundu la Mathebeleland na bulege dza devhula na tshipembe yo sia yo tshinya zwilinwa nga murahu ha u tsesa ha dzi temperature .
Vho Masauso Mawocha vhane vha vha Beitbridge District Agritex Officer vhari zwilinwa zwo kwameaho nga maanḓa nga phepho iyi ndi nawa dza Shashi Community lrrigation Scheme .
Vhari munwe mulimi o lozwea tshikoli tshothe nahone vhanwe vhalimi vho fhedza vha tshi vho tou vhulaha zwifuwo zwavho vha tshi ofha uri zwi nga vhulawa nga phefho.
Vho Elizabeth Ndou vha Beitbridge vhubvaḓuvha vhari zwilinwa zwavho navhone zwo lozwea nga murotho ngeno vho Terry Charles Mulowa, plot yavho yoṱhe yo kwamea.
Vhadzulapo vha Beitbridge vhare tsini na mulambo wa Limpopo vhari mulambo wo vha wo tshena nga ṅwando vhege yo fhelaho ngeno dzi bawa na fhethu ha madakalo ho ima na u ṱutsheliwa zwa tshifhinganyana nga nwambo wa phefho.
Vha Beitbridge Meteriological Station vhari a vha athu rekhoda temperature dzire fhasi nga nḓila ye dza tsa ngayo lwa minwaha .
Vhari nga Lavhuvhili na Ḽavhuraru tempreture dzo vha dzi kha -3C .