By Bester Mbedzi
Vha CAG for Economic Development ṋamusi vho swika he vha lambedza ngade ya u zwala miri ngei vhuponi ha Malala.
Dzangalo ḽa CAG for Economic Development ḽi shuma u lugisa zwauri mahayani hu tshiliwe zwavhuḓi, u tsivhudza vhathu ngaha u shanduka ha mutsho, vhathu vha swike kha u lima hu tshi shumisiwa dzi solar na zwine zwa sa tshikafhadzi mupo, u fhirisa zwi vhaswa, u dzhia ndango ya mathukhwi na kulaṱele kwawo khathihi na u alusa vhaswa ubva kha u shumiswa ha zwidzidzivhadzi.
Ṅwaha uno vha CAG for Economic Development vha fhasi ha ṱhoho ine yari ” *Towards promotion and sustainability of a health enviroment and well- being of both communities and cities by 2030 and beyond*
Vhatshi amba na vha Ḽotsha FM, mudzulatshidulo wa CAG for Economic Development wa shango ḽoṱhe vho Reginah Munyamani vho tsivhudza vhathu nga u sokou eba milindi na u rema miri. Vho isa phanḓa vhari vhathu vha gude u shumisa fhethu hu poselwaho mathukwi.
Vho tou ri u fhedza zwa u lambedza ngade ngei tshikoloni tsha Malala vha dzhena kha fulo ḽa u kunakisa ḓorobo ya Beitbridge u thoma nga henefhaḽa renkini. Vho swika he vha lambedza fhethu ha u laṱela mathukhwi vhuongeloni ha Beitbridge.
