By Sheron Moyo na Adrian Chiworodza
Zwikolo zwi khou vula matshelo nga dzi 10 Khubvumedzi nahone vhana vho vhonala namusi vho ḓala nga mafulofulo a u humela zwikoloni naho vhabebi vhe fhasi ha mutsiko wa masheleni a dzi mbadelo dza zwikolo.
Vha tshimbidzi vha vhana vha zwikolo vha Tongwe ,JZ na Zezani vho vhonala vho no vha zwititshini hune vhana vha namelela hone nga matsheloni u bva nga awara ya rathi.
Muṅwe wa vhareili wa tshikolo tsha Tongwe Vho Musa Mudau vho livhuwa vhadededzi u vha vhe hone vhana vha tshi namela vha ri izwo zwi ita uri navhone vha ri fombe mushumoni wavho wa u reila kha uri vha reile ngeno vha tshi ṱhogomela vhana .
Muṅwe wa vhadededzi a songo tama dzina ḽawe ḽi tshi buliwa uri themu iyi sa vhadededzi i vha dzhenisa mutsikoni unga i na zwinzhi zwi no itiwa.
Vhabebi vho sumbedza vha kha mutsiko muhulwane lune vha sa tsha kona u nanga vhukati ha ṱhoḓea dza ṅwana na dza tshikolo.
Muṅwe wa vhabebi uri u khou lingedza u ita zwoṱhe zwine a nga kona fhedzi zwithu zwi hana zwi tshi konḓa ṅwaha muṅwe na muṅwe.