Ambulance yo swika
Roluga Mbedzi
Vhupo ha Gwanda Tshiṱaudze ho fhaṱutshedzwa nga nkhetheni kha Member of Parliament Vho Fisani Manala Moyo vhane vha khou ita maḓembe a vhonalaho
Ho vha na guvhangano ḽihulu na dakalo ḽo kalulaho nga ḽa fumi – nthihi fhaḽa vhuponi ha Madzivhe musi Vho Fisani Manala vha tshi khou ṋetshedza tshitshavha khwalavhalwadze( ambulance).
Vho vhudza tshitshavha uri vho vhona zwo tea ngauri hu na lwendo lulapfu u bva vhuponi hune vha dzula hone vha tshi ṱuwa Gwanda kana Beitbridge vhuongeloni.
Vho bvela phanḓa vha tshi vhudza tshitshavha uri a si hezwo fhedzi zwe vha ita fhedzi vha na phurodzhekithi dza u vusuludza zwikolo , u fhaṱa holo ya tshitshavha na zwibadela .
Vho isa phanḓa vha ri vho ṋetshedza zwikolo zwa wadi tharu miri ya mitshelo uri musi ha vha na ṱhahelelo ya masheleni vha kone u rengisa mitshelo .
Vho F Moyo vho fhaṱa khireshe ya Tshokotshoko .
Vho fhedza nga u livhuwa musanda Vho Tshitaudze , Chairman Vho Mangaliso Nqobizitha Ndlovu, Muhulwane wa ma Sabuku Vho Siyoka na vhalwelambofholowo , Vho Tambudzani Mohadi na Vho Thusani Ndou thikhedzo yavho.