Muṅwe wa vhadzulapo vha Zimbabwe o gwevhiwa miṅwaha ya fumiṱhanu nga murahu ha u tshimbidza zwithu zwi siho mulayoni
Khotho ya South Africa yo gwevha munna wa miṅwaha ya fuiṋa raru miṅwaha ya fumiṱhanu nga murahu ha u tshimbidza zwithu zwi siho mulayoni zwi no eḓana zwigidi zwa dzi randa kha shango ḽeneḽo.
Vho Josephat Bayayi vho tenda mulandu vhone mune wa u pfuka mulayo.
Vho gwevhiwa miṅwaha ya fumiṱhanu hu si na fine.
Vho Bayayi vho fariwa Beitbridge border post nga ṅwedzi wa Fulwana.
Muambeli wa mapholisa vha Limpopo Vho lieutenant colonel Matimba Maluleke vho khwaṱhisedza hezwi mulovha.
Vha ri vhone nga ṅwedzi wa Fulwana vha SARS vho vhona zwithu zwi solisaho zwo vha zwi kha Ṱiraka ye ya vha i tshi khou bva Zimbabwe musi vha tshi khou sedzulusa goloi Beitbridge port of entry.
Ubva afho mupholisa ane a dzula Beitbridge port of entry khathihi na vha criminal record centre vha vhidziwa kha itsho tshiwo.
Ṱiraka yo sedzuluswa ha wanala 14 reels, 747 super powers, 90 blasting cartridges na 875 Carmex connector.
Vho Bayayi vha mbo ḓi fariwa henefho.
Mulandu wo vuliwa, dokhethe ḽa isiwa Musina uri ḽi sedzuluswe.
Vho Maluleke vho ri tsedzuluso dzo sumbedza uri dzi explosives dzo bva Zimbabwe dzi tshi ya Johannesburg Gauteng province.