Mugudisi na mutambi vha ṅwedzi wa Fulwana kha Castle Premiership
Pardon Dube
Mugudisi wa kiḽaba ya Highlanders Vho Baltemar Jose’ De Oliviero Brito ndi vhone mugudisi wa ṅwedzi wa Fulwana ngeno musuwana Obriel Chirinda wa kiḽaba ya Bulawayo Chiefs ndi ene mutambi wa ṅwedzi wa Fulwana.
Mugudisi wa Highlanders Vho Brito ndi vhone mugudisi wa ṅwedzi wa Fulwana kha Castle Lager Premier Soccer League.
Heyi pfufho vho i avheliwa nga murahu ha musi kiḽaba ya Highlanders i tshi ya phanḓa nga kutambele kwavhuḓi.
U swika zwino kiḽaba ya Highlanders i kha vhuimo ha u thoma nga phointi dza furaru-malo kha mitambo ya fumi-malo nahone a i athu u kundiwa.
Zwi no bvelela muṱani wa Highlanders ndi tsumbo ya vhudavhidzani havhuḓi vhukati ha Vho Brito na vhatambi vhavho.
Zwi tshe zwo ralo muswuwana Obriel Chirinda ane a vha mutamba phanḓa wa kiḽaba ya Bulawayo Chiefs o avheliwa pfufho ya u vha mutambi wa ṅwedzi wa Fulwana.
Hezwi zwo bveledzwa nga kutambele kwavhuḓi a tshi kuḓanya bola na mambule lu no swika lwa ṱahe.U swika zwino ndi ene a na zwikoro zwinzhi kha vhatambi vhoṱhe kha Castle Lager Premier Soccer League nahone vhatikedzi vha Bulawayo Chiefs vho sedzela uri a swike kha zwikoro zwa fumbili kana u fhira.
#LotshaFM90.1