By Bester Mbedzi
Muhashi na muvhali wa mafhungo kha Lotsha FM, ane a pfi Mamelang Sibanda kana uri *The Rich Aunty* la radioni o sumbedza lufuno kha vhafariwa vha Beitbridge Prison.
Ḓuvha lawe la mabebo o li pembela nga nḓila i songo ḓowelea, kha uri ene Mamelang a lindele dzi mpho ubva kha vhashumisani,mashaka kana khonani o humbula uvha phatutshedzo kha vhafariwa vho honelwaho dzhele.
Mamelang o vha o fheletshedzwa nga vhahashi ngaye u katela na khonani dzawe uri vha vhe ṱhanzi musi a tshi netshedza zwe a kuvhanganya ubva tshikwamani tshawe.
Mamelang o ṱuwisa zwishumiswa zwa vhafumakadzi(pads), zwisibe,thaulo dza u tamba ,dzi colgate,na bulatsho dza u huṱa maṋo.
Mamelang o ḓo fhiwa tshifhinga tsha u amba na vhafariwa, he a vha eletshedza uri vha songo humbula uri a vha funiwi,o isa phanḓa a tshi vha vhudza uri naho vha tshi nga huma mahayani zwigwevho zwo no fhela, tshitshavha tshi ḓo vha ṱanganedza nga mbilu mbuya, na uri u vha dzhele a si u vha mutshinyi muhulwane fhedzi vha hafho uri vha lulamise vhutshilo havho.