FBI'DANNY Muhulisei vhane vha vha muraḓo wa Phalamende vho netshedza thuso tshikoloni tsha Hypotenus college.
Nga Mmeli Mbedzi
MP Vho Albert Nguluvhe vho netshedza khithi ya bola ya milenzhe na mabola mavhili tshikoloni tsha Hypotenus college sa nḓila ya u ita uri vhana vha aluwe nga nḓila yavhuḓi sa unga vhe vhone vho hwalaho ḽa matshelo.
Graduation ya murole wa ECD khathihi na speech and prize giving zwo tshimbila nga nḓila yavhuḓi, i gudisaho.
Nga nnḓa ha mpho nzhi dze vhana vha sumbedza dzine dza katela matambwa, zwipitshi, karate na zwiṅwe, mutambo wa bola ya milenzhe ndi wone UNE wa vha nṱha tshikoloni itshi.
Vho MP vho ri ṅwaha wo fhelaho vho humbela list ya zwikolo zwoṱhe zwi re kha Beitbridge East constituency, vha fhulufhedzisa uri vha ḓo ṋetshedza khithi ya bola ya milenzhe kha tshikolo tshiṅwe na tshiṅwe tshine tsha ḓo vha tsho ṅwaliwa naho zwi tshi nga vha dzhiela ṅwaha mivhili u zwi ita.
Hypotenus college sa tshone tshikolo tshe tsha vha na mashudu a u thoma u ṋetshedzwa khithi, ṱhoho ya tshikolo Vho D Ngwenya vho humbela vhabebi uri vha tikedze vhana sa zwe zwa sumbedziwa nga Vho Nguluvhe.
Vho MP vho ombedzela mafhungo a vhuthu, vho ri naho Tshiisimani tshi tsha ndeme fhedzi vhadededzi vha tea u gudisa vhana nga luambo lwa ḓamuni u itela u leludza vhudavhidzani vhukati ha vhaḓuhulu na vho kuku hayani.
Muṅwe mubebi we a ambiwa naye nga ha ndeme ya u pembelela graduation ya murole wa ECD vho Lindani Mudau, vho ri ECD ndi murole wa ndeme kha vhutshilo ha ṅwana ngauralo u bva kha hoyu murole ṅwana a tshi ya kha wa u thoma zwi tea u pembelelwa