Mukegulu vha Masera vha khou humbela thuso
Tapson Ndou
Mukegulu vha Masera Vho Sofia Tshipinge vha khou humbela thuso u bva kha nnyi na nnyi a na mbilu ya vhulenda.
Vho Sofia vha ri hune vha dzula hone a vha na zwiḽiwa.
Mukegulu avho vha dzula na ṅwana wavho wa muṱhannga a na minwaha ya mahumi manna na muḓuhulu a na miṅwaha ya fumi na nthihi (11years).
Vhuraru avho vha shumisa nnḓu nthihi u eḓela na u bikela.
Vho Sofia vha ri vhutshilo vhu khou vha konḓela vhukuma ngauri a vha tsha kona u ita mishumo ya zwanḓa ngeno hu tshi tea uri tshifhinga tshoṱhe vha vhe vhe tsini na ṅwana wavho we a huvhala ṱhoho nga murahu ha u thuntshiwa e Africa Tshipembe nga ṅwaha wa gidi mbili fumi malo (2018).
Nnḓu ine vha shumisa i na ṱhanga i songo fhela u fuleliwa ngauralo Vho Sofia vha ri hezwi mvula i tshi na vha lala vho ima.
Vho Sabhuku Aron Masevhe Ndou , vha ri vha a pfa vhuṱungu nga nyimele i re na Vho Sofia vha ri vha khou lwisa u thusa uri vha wane nangwe thuso i no bva ha Social Welfare.
Muṅwe wa vhadzulapo Vho Khensani Mbiza vha ri nyimele i re na Vho Sofia yo vha khaula mbilu vha fhedza vho dzhia tsheo ya u dzhia muḓuhulu wavho Sofia na u mubadelela tshelede ya tshikolo.
#LotshaFM90.1