_Tapson Ndou_
Mulwela mbofholoho wa Beitbridge muṱahabvu Vho John Mbedzi vho eleliwa nga mishumo yavho ya u vha mulwela mbofholowo we a vha o ḓi imisela u vhofholola shango ḽa Zimbabwe vha fhiwa vhuimo ha u vha Muhali namusi ( Posthumously )
Vhuṱambo uho ho dzheneleliwaho nga nga miraḓo ya dzangano ḽa ZANU PF , Vho senator, miraḓo ya khabithe, vha lwela mbofholowo, na vha muṱa na vhadzulapo vha Beitbridge namusi muṱani wa ṅwana wavho Baobab.
Minista wa Provincial Affairs Vho Evelyline Ndlovu vho livhuwa vha muṱa u ṱanganedziwa nga murahu ha uri vha fhe muraḓo wa politbro Vho Richard Robert Ndlovu vhe vha rula maipfi a no bva kha Muphuresidende wa shango Vho Emmerson Munangagwa vha tshi ṱalutshedza nga mishumo ya mulwela mbofholowo Vho Mbedzi vhe vha bebwa nga 1936 , vha ḓidzhenisa kha zwa polotiki nga murahu ha u lwa na mudededzi wa mutshena vha pandeliwa tshikoloni.
Vho Mbedzi vho bebiwa nga 1936 vha lovha nga dzi 13 Fulwi 1987 vha vhulungeliwa muḓini wavho Matshiloni.
Vho fhiwa vhuimo ha u vha mulwelambofhowo wa shango ( national heroe)
Ṅwana wa Vho Mbedzi wa tanzhe ,Sobusa, o levhuwa zwihulwane murangaphanḓa wa shango u kona u elelwa mishumo ya khotsi awe na vha muṱa nga mishumo ye vha ita u vhofholola shango.
tapalexdou@gmail.com