MUTAMBAPHANḒA WA BOLA WA KILABA YA DULIVHADZIMU UNITED O ṊANGIWA KHA VHA NO ḒO YO TAMBA MITAMBO YA COSAFA VHEGE IḒAHO KHA ḼA AFRIKA TSHIPEMBE
Mutambi wa bola wa kilaba ya Dulivhadzimu United Messi Gushero ane a vha na miṅwaha ya fumiṱahe o vhidzwa ngei ḓoroboni khulwane Harare kha dzi nḓowenḓowe dza tshigwada tsha shango tsha vha re fhasi ha miṅwaha ya fumbili.
Muambeli wa thimu ya Dulivhadzimu United Vho Rex Mphisa vho ḓivhadza vha Lotsha FM lwa tshiofisi uri muvhigo malugana na u vhidzwa ha Messi Gushero we wa swika mulovha muṱani wa Dulivhadzimu United, kha Vho Mandla Moyo vhane vha vha secretary General, vha khou uyo musuwana u tea u ṱangana na vhaṅwe vhatambi ngei Harare ṋamusi nga matsheloni.
Vho Rex Mphisa vha ri mutambi uyo a si lwa u thoma a tshi vhidzelwa u imelela shango kha mitambo ya bola ḽa milenzhe.
Vha ri o thoma u tambela vha re fhasi ha miṅwaha ya fumisumbe a tshe mutshudeni wa St Mary’s High School.
Muambeli Vho Mphisa vha ri Messi Gushero ndi musuwana a na mikhwa.
Hezwi zi khou gudisa lushaka uri vhuthu vhu na mbuyelo”