Mmeli Mbedzi
Mudzulatshidulo wa bodo ya Zimbabwe School Examination Council (Zimsec), Vho Professor Eddie Mwenje vha ḓo amba na lushaka muṱanganoni une wa ḓo vha u na vho ramafhungo ofisini khulwane ya Zimsec nga ḽa u thoma ḽa ṅwedzi wa Nyendavhusiku nga awara ya vhufumi mbili nga matsheloni.
Hu tshe nga ḽeneḽo ḓuvha, ḽine ḽo vhewa uri ḽi ḓo vha ḽone ḓuvha ḽa u vala zwikolo, lushaka lu khou lavhelelwa u wana mvelelo dza ṅwaha wa gidi mbili fumbili raru dza vhagudi vha murole wa vhusumbe.
Mubebi a re na vhuḓifhinduleli u vhona nga mvelaphanḓa ya vhana na mabudo musi zwi tshi ḓa kha zwa pfunzo.
Vhabebi vha khou eletshedzwa uri vha dzhie vhuḓifhinduleli nauri vhagudi vha songo hwalahwalea vha thoma u ḓidzhenisa kha zwikambi na zwidzidzivhadzi nga maḓuvha a khushumusi.
Muṅwe wa vhabebi vha fomo ya u thoma Vho Pride Moyo vha ri u bvisa mvelele dza vhana vha murole wa vhusumbe nga u ṱavhanya zwi khou thusa uri vhabebi vha ṱavhanye u ita ndugiselelo dza u ṱuṱuwedza ya kha fomu one, u ṱoḓa vhudzulo, u renga yunifomo na dzibugu vhathu vha sa athu u shumisa tshelede nga maḓuvha a khushumusi.
Nṱali vhaṅwe vha ri ḓo ita unga ḓuvha iḽi a ri ḽi ḓivhi ri tshi khou ita dzi ndugiselelo.