Siani ḽa zwa mitambo ro zhakiwa hafhu
Nga Bester Mbedzi
A si kale ri khou bva u lila nga u ṱutshelwa fhano shangoni nga Vho Rahman Gumbo,hu sa athu u fhela maḓuvha maṱanu ra xelelwa nga Vho George Chigova mulinda vhuṅwa wa Supersport United.
Mutambi Takudzwa (TK) Mbedzi ane khonani dzawe vha muvhidza uri Mafira na ene o ri sia vhege enei,o vhulungwa Tshapfutshe tshikoloni ha Ngwana nga Mugivhela 18 Ḽara.
TK ndi mutambi makone ane o tambela kiḽaba nnzhi vhukuma kha ḽa la Beitbridge hune ri khou wana uri o vha o no tou pfuluwela kha Kiḽaba iṅwe ya afho Afurika Tshipembe.
Vha kiḽaba dza Beitbridge vho da nga vhunzhi vha ita na u tamba mutambo wa u muhulisa.
Vho Marvelous Khuthadzo vhane vha vha mukapuṱeni wa Tshimolo City vho sumba u zhakiwa nga maanḓesa,sa izwo Dec Top 16 yo ṱodzimela fhaḽa Tshapfutshe dipeni.
Ndi ene mutambi muṱukusa o tambaho kha Top 16.O i tamba e na miṅwaha ya fumirathi nga 2016
TK Mafira o tambela kiḽaba dzi ngaho;
Tshapfutshe tshikoloni
Fighters United
Happy boys (RSA)
Chimolo City.
Langei City
Dzungudza FC (RSA)
Rangers
Nuli FC