Vha Safe Haven vho ita guvhangano ḽa vhanna
Vha Muḓi wa fhulufhelo, vhane vha ḓihwa nga Uri Safe haven vho ita guvhangano ḽa vhanna mulovha . Vho vha vha tshi khou tshimbila nga thero ine ya ri “Men perfecting Men”. U khwinifhadza vhanna nga vhaṅwe vhanna.
Vho Mme Gora vhane vha vha murangaphanḓa wa Muḓi wa fhulufhelo vho ri tshipikwa tsha hezwi ndi Uri vhanna vha vhe vhathu vha vhukhwine. Vha ri vhone vho thoma vha ita ḽiṅwe guvhangano vha tshi khou sedza uri vhathu vha vhanna vha khou ḓi vhulaha nga maanḓa ngauri a vha koni u ṱanganedza mutsiko wa vhutshilo.
Vha ri nga murahu ha guvhangano ḽa u thoma vho vhona zwo tea uri vha dovhe vha ṱangane hafhu uri vhathu vha vhanna vha kone u vula dzimbilu vha ambe nga tshavho vha tshi vhonisana nga ha vhutshilo, vha tshi gudisana nga ha zwithu zwine zwa kwama vhathu vha vhanna.
Vha ri zwi ya konḓa u ṱanganisa vhathu vha vhanna bulegeni nthihi, fhedzi vha ri guvhangano ḽa nga Mugivhela ḽo vha khwine kha ḽa u thoma. Nahone vhana fhulufhelo ḽa uri nga uya ha tshifhinga vhanna vha ḓo ḓa nga vhunzhi