Vhabvannḓa vha fumaloṋna vha ḓi vhonadza Khothe ya ḽa Beitbridge
Nga Rex Mphisa
Vhabvannḓa vha fumaloṋna vho ḓi vhonadza Khothe ya madzhisiṱiraṱa ya ḽa Beitbridge mulovha nge vha hweswa mulandu wa u dzhena shangoni zwi siho mulayoni.
Vhabvannḓa avha vha bva mashangoni a katelaho Malawi , Burundi , Mozambikwi, Tanzania na Zambia nge vha vha vho livha Afurika Tshipembe.
Vhabvannḓa avha vho farwa kha dzi roadblock dzine dza wanala gondoni ḽi hulwane ḽa Beitbridge – Harare highway nga mapholisa khathihi na vha ofisiri vha maendela mashango kha kushumele kune kwa ri “No to illegal immigrants ” zwi tshi amba uri fhasi na vhaendelamashango zwi siho mulayoni.
Muimeleli wa mapholisa tshiṱirikini tsha Beitbridge Vho Chief Superintendent Tichaona Nyongo vho khwaṱhisedza u farwa uhu.
Vho Tichaona Nyongo vho ri vhabvannḓa avha vho farwa nga zwifhinga zwo fhambanaho ubva nga Musumbuluwo nga fhasi ha kushumele uko.
Vhabvannḓa avha vho vha vha tshi enda nga bisi dza Rimbi , Trip Trans na Chiwara dzine dza shumisa gondo iḽo.