By Bester Mbedzi.
Vhanameli vha shumisaho bodara ya Beitbridge vha tshi ya Afrika Tshipembe namusi vho boḓa, vha tshi amba nga ndila ine vha farwa ngayo Taxi rank ya uya Musina.
Vhadzulapo nga vhunzhi vhabvaho kha la 02 (Beitbridge) vho sumbedzisa u gungula nga zwine vha vhona kana zwine vha itwa hezwi vha shangoni la Afurika Tshipembe.
Munwe wa vhathetshelesi kha Mbekanyamushumo ya Morning Cruize, uri vhathu vha ita na u rwiwa, u hwamulelwa thundu na u kombetshedzwa u dzhena kha thekhisi dzavho.
Muthetshelesi avha vhari vha muṱa vho vha vha khou tshimbila nga tshavho, vha swika he vha pandamedzwa, vha tshi farwa ha vha na u huvhadzana.
Vha ambi vhari vha tshipolisa tsha Afurika Tshipembe (SAPS) vha khou vha litsha vha tshi rwiwa ngeno vha vhone fulufhelo la vhabvannḓa, zwino vhadzulapo vha khou humbela thuso ya shishi, hu nga vha kha mulanga ḓorobo wa tshiṱiriki tsha Beitbridge vha lugise hei thaidzo na mulanga ḓorobo wa Musina zwithu zwi sa athu bva nnḓa ha tshanḓa.
Vho Mayor vha Masipala wa Beitbridge Vho Peter Pirato Mafuta, na vhone vhari hei thaidzo vha khou i ḓivha na uri yo no vha ya kale vhathu vha tshi lila ngayo.
Vho Mayor vhari ndi muhumbulo wavhuḓi uri vhone vha ambedzane na Mayor wa Masipala wa Musina.
Vho isa phanḓa vha tshi ri vhadzulapo vha songo vhilaela, vha zwi isa kha dayari yavho.