Vhatikedzi vha CM 15 vho bva nga vhunzhi u ṱalela mutambo vhukati ha CM 15 na Bishopstone fc luvhanḓeni lwa Dulivhadzimu, mutsho wa u rothola a wo ngo vhuya wa vha thithisa.
Tshigwada tshine tsha langulwa nga Vho Thomas Banda, Bishopstone fc ndi tshone tsha u thoma u vulela nga tshikoro kha luṱa lwa u thoma.
Lewis we a ḓo vha ene mutambi wa ḓuvha o ḓo kora nga penalty zwe zwa sia thimu dzi tshi ṱuwa kha break dzo tamba u lingana nga tshikoro tshithihi kha tshithihi.
Thimu dzoṱhe dzo vhuya kha luṱa lwa vhuvhili dzo lugela tshoṱhe, Bishopstone ndi yone ye ya thoma u kora mutambo u kha ḓi bva u takuwa, fhedzi ya ḓo wana tshikoro tshiṅwe nga kha penalty hafhu. Mutambo wo fhela dzo tamba u lingana nga zwikoro zwivhili nga ngei na zwivhili nga ngeno.
Vho Clive vhane vha vha mulanguli wa CM 15 vho ri hoyu wo vha u tshi tou vha mutambo wa ndugiselo sa unga ri khou lavhelela u vula ha khalaṅwaha ya vhuvhili vhegeni mbili dzi ḓaho.
Vho Thomas Banda vhone vho ri half time yo vha yo lapfesa, nahone hoyu mutambo wa vhukonani wo vha u wa u tou linga idzi thimu uri dzo lugela zwingafhani