Ḽotsha FM i khou vusuludza khathihi na u khwaṱhisedza vha buḓo ḽa dzi Arts
Vha buḓo ḽa zwa muzika kha ḽa Beitbridge vho thithisea kha u shuma zwa miṅwaha ya tshivhalo nga ṅwambo wa u kundelwa u tshimbidza buḓo iḽi nga khaedu ya u ṱangana na ṱhahelelo ya zwishumiswa khathihi na zwi no ḓo mvumvusa vhadzulapo.
Tshiṱitshi tshithihi fhedzi tsho themendelwaho kha ḽa Beitbridge tsho ḓa tsha lugisa khaedu iyi , hezwi zwi vhonala nga vhuṱambo ho itiwaho kha dzi Sundrive Arts Awards . Tshiṱitshi tshi khou lidza phesenthe dzi swikaho fusumbeṱhanu (75%) dza nyimbo dza vhaimbi vha ḽa Beitbridge sa nḓila ya u takulela nṱha vhaimbi vha tshitshavhani.
Muṅwe Muhashi wa Ḽotsha FM ane a vha muimbi Thendo Netshakhuma a no ḓivhalea nga ḽa uri Charks SA o takuselwa nṱha nga murahu ha u vha na vhuḽedzani havhuḓi na muṅwe muthetshelesi kha iṅwe ya dzi mbekanyamushumo ine ya vha ya Gavhelo.
Muimbi uyu ndi nge a thuba tshiphuga tsha u vha muimbi a no takuwa wa ṅwaha.Hezwi zwi ḓa nga murahu ha u vha o bvisa nyimbo dzawe dza tshivhalo nga ṅwedzi wa Ḽara khathihi na video ya nyimbo yawe i fhisaho vhukuma ya black juice ye ya bviswa nga ḽa rathi ḽa ṅwedzi wa Nyendavhusiku.
Lehlohonolo Ndlovu ane a ḓivhalea nga ḽa uri Bhadilah ane a vha muṅwe wa vha imbi vha nou lidzeswa kha tshiṱitshi o penya nga murahu ha u wana tshiphuga tsha u vha muimbi makone wa muṱhannga khathihi na nyimbo ya ṅwaha.
U humbulwa ha a vha vhaimbi vhavhili zwo ḓisa mafulufulu a uri hu vhe na muṱaṱisano u itela u lwela zwiphuga zwi no ḓo vha hone ṅwaha u ḓaho.
Mutshimbidza mushumo (MC) a nou ḓivhalea, Patience Moyo o thuba zwiphuga zwivhili zwine zwa katela MC makone wa ṅwaha khathihi na Muhashi makone wa ṅwaha .
MC Pashy o takulela vhafumakadzi nṱha vhukuma ro sedza kha iḽi buḓo.
Nga ṅwambo wa tshiṱitshi itshi , vhaimbi vha ḽokhaḽa khathihi na vho ramabindu vha ḓo shumisa tshikhala itshi u swikelela kha tshitshavha.