Musidzana o kombetshedzwa u intsha muhwalo nga mmane wawe nga murahu ha u vha o tshipiwa
Mufumakadzi wa miṅwaha ya fuinasumbe ane a bva Tshiṱaudze Suburb we a kombetshedza ṅwana wa mukalaha wawe wa miṅwaha ya fumi rathi (16) u thutha muhwalo nga murahu ha u vha o tshipiwa nga khotsi awe o valelwa dzhele zwa miṅwaha mi ṋna.
Dzina ḽa mufumakadzi a ḽi nga ḓo buliwa u itela u tsireledza ṅwana.Ri tshi ya nga ṱhanzi dza mulayo hu pfala mufumakadzi o kombetshedza musidzana uyo u thutha muhwalo zwi tshi sia musidzana uyo a tshi vho lwala ndi zwe zwa ita uri mulandu uyu u vhonale.
Munna we a ita vhuaḓa uhu o farwa nahone u dzhele na zwino o tea u yo gwevhiwa nga ḽa fumbili ḽa ṅwedzi wa Nyendavhusiku.
Mufumakadzi o hweswa mulandu wa u thuthisa muhwalo zwi siho mulayoni nga murahu ha u vha o ḓi vhonadza phanḓa ha Madzhisiṱiraṱa Vho Mme Vho Vavariro Gabi nga Musumbuluwo masiari.
Musi vhe kati na u haṱula,Vho Olivia Chimutinya vha ri nga ḽa raru ḽa ṅwedzi wa Nyendavhusiku, mufariwa o wanulusa uri ṅwana wa mukalaha wawe wa miṅwaha ya fumi rathi o ḓi hwala nga murahu ha u tshipiwa nga khotsi awe.Ndi musi a tshi farisana na mukalaha wawe u renga mushonga wa u thutha muhwalo uyo .Hu pfala uri o vhudza ṅwana uyo uri a ise philisi kha muraḓo wawe zwi songo tea .
Ndi nge ṅwana a itisa sa zwe a vhudzwa zwone , hu sa athu u fhela awara dzi si gathi musidzana a thoma u pfa maṱungu a songo ḓoweleaho.
Mulandu wo ḓo bvela khagala nga murahu ha u vha muṅwe wa khonani dzawe o pfa nga mafhungo ayo ndi he a ḓo muhwala a muisa kha vha zwa vhurereli a swika a ṱalutshedza mafhungo ayo ndi zwe zwa sia mulandu u tshi vhigwa mapholisani.
Musidzana uyo o ḓo hwaliwa a iswa vhuongeloni uri a wane dzilafho ndi nge zwa wanala uri ṅwana o thuthiswa muhwalo.
Vhafunani a vha vho farwa nahone mushonga we vha u shumisa wo wanala nḓuni yavho .