Vho-Joel Ndlovu

Vhabebi vhapo vho sinyuwa nga murahu ha musi vhagudiswa vhaṋa vha form 4 vho farwa zwenezwino vha tshi khou daha fola, u nwa Broncleer, na u shumisa luvhi zwiṅwe zwidzidzivhadzi, zwe zwa kwama nga nḓila i si yavhuḓi kushumele kwavho tshikoloni.

Kha nyambedzano na vha Lotsha FM, Vho-Violet Chitura, mubebi a re na mbilaelo, vho amba uri matshudeni ano maḓuvha vha khou shela mulenzhe kha u nwa halwa na u shumisa zwidzidzivhadzi vha tshe vhaṱuku, zwine zwa kwama kushumele kwavho tshikoloni na u vha thithisa u phasa.

Muṅwe mubebi, Vho-Prince Ndlovu vho amba uri nga ṅwambo wa thaidzo ya zwidzidzivhadzi, vhabebi vha vhona zwo tea u rumela vhana vhavho zwikoloni zwa boarding u itela u iledza mafhungo o raloho na u vhona uri vha na vhumatshelo ha khwine.

Mudededzi wa tshikolo tsha nṱha tsha Vhembe, we a amba na vha Lotsha FM a sa ṱoḓi u bulwa dzina, o dzumbulula nga mbilu vhuṱungu uri kanzhi matshudeni vha dzhena kha ngudo vho kambiwa, zwine zwa sia vhadededzi vha tshi pfa vha sa ṱhonifhiwi.

Vho humbela vhabebi uri vha shumisane na vhadededzi u itela u fhelisa u shumiswa ha zwidzidzivhadzi uhu