Vhana vho wana ṱhuṱhuwedzo ya u bveledza miḽoro yavho nga ngudo
Padron Dube
Ḓuvha ḽa World Children’s Day Commemorations ḽo gudisa vhana vha tshikolo uri pfunzo ndi ya ndeme vhukuma
Nga ḓuvha ḽa fu-mbili raru ḽa ṅwedzi wa Ḽara ho vha hu na guvhangano ngei tshikoloni tsha Malala. Heḽi guvhangano ḽo vha ḽi ḽa u ṱuṱuwedza vhaswa uri vha fhaṱe vhu matshelo havho nahone ho vha hu na muhulisei Vho Chiwenga.
Vhana vho wana ṱhuṱhuwedzo khulwane nahone vho guda uri ndugelo dzavho ndi dza ndeme. Muṅwe wa vhavno guda Malala a no pfi Joaquin Tshiṋoni o vhudza vha Ḽotsha fm uri o takala nga maanḓa upfa hu tshi isiwa phanḓa ḽa uri vhana vha wane ndugelo dzavho nga nḓila yo teaho.
Zwi tshe zwo ralo muṱhannga a no vhidzwa nga ḽa u ri Oscar Nḓou o ri ene o guda zwinzhisa kha ḓuvha ḽa mulovha. Hoyu muṱhannga, o sumbedzisa zwa uri sa vhana vha zwikolo vho no fhiwa mazhuluzhulu a uya phanḓa nga ngudo na u fhaṱa vhu matshelo havho.