WFP na muvhuso wa Zimbabwe wo themendela mepu wa nḓila kha zwa zwiḽiwa
Babongile Gora
Muvhuso wa Zimbabwe na vha United Nations World programme (WFP) vho sainelana vhurifhi ha u pfesesana kha uri vha khwinifhadze zwiḽiwa khathihi na u tsireledza vhudavhidzani kha ḽa Zimbabwe.
Vhurifhi ha u pfesesana ndi ha uri hu vhe na zwa vhulimi zwo khwinifhadziwaho. Muvhuso wa Zimbabwe na WFP vha ḓo shumisa vhukoni na zwishumiswa u khwinifhadza thandululo ya zwiḽiwa na vhudavhidzani ho tsireledzeaho.
Muṱanganelano uyu u katela na thikhedzo kha matshilo a vhathu vha mahayani na ḓoroboni kha ṱhoḓea dza vhu matshelo na u khwaṱhisa na u khwinifhadza vhutshilo havho.Nga u ita hezwi muvhuso wa Zimbabwe na WFP tshilavhelelwa tshavho ndi tsha u ḓisa zwiḽiwa zwi linganaho vhathu vha Zimbabwe.
Vhurifhi ha u pfesesana ndi nḓila ya u khwaṱhisa mushumo u re hone uri u hane u tshi bvela phanḓa, izwi zwo khwaṱhisedziwa nga Vho Simon Masanga Permanent Secretary wa Ministry of public service, labour na social welfare. Vho ri vhuḓinekedzeli uhu ndi ha u vhona uri zwilavhelelwa izwi zwi khou khunyelela.
Vha WFP vha ḓo dovha vha shumisana na vha civil society u dzudzanya gwama na u dzhia tsheo uri hu songo vha na nḓala.
Zwiṅwe ndi zwa uri hu ḓo shumiwa u khwinifhadza vhafumakadzi kha zwa vhudavhidzani.
#LotshaFM90.1